Macedonian Open. Fomin saralashni muvaffaqiyatli yakunlab, asosiy to'rga chiqdi

Mukofot jamg'armasi 75 ming evroni tashkil etuvchi musobaqada hamyurtimiz Sergey Fomin ham o'z imkoniyatini sinab ko'ryapti. Mamlakatimizning ikkinchi raketkasi turnirdagi ishtirokini saralash bahslaridan boshladi. 

ATP reytingida 654-pog'onada borayotgan Fomin saralashning ilk bosqichida dunyoning 448-raketkasi bo'lib turgan boliviyalik Xuan Karlos Angeloni 6/2, 2/6, 6/2 hisobida mag'lubiyatga uchratdi. Saralashning finalida esa dunyoning sobiq 68-raketkasi, hozirda 475-pog'onaga tushib ketgan avstriyalik Gerald Melcerdan 6/3, 6/4 hisobida ustun keldi. 

Bugun Sergey Fomin Macedonian Open turnirining asosiy to'r ilk davra uchrashuvida yana bir avstriyalik tennischi Joel SHverclerga qarshi kortga chiqadi. Joel ATP reytingida 664-pog'onada bormoqda. Fomin - SHvercler uchrashuvi bizning vaqt bilan soat 13:30da boshlanadi.