Madridning ikki klubi ECHLning yarim finaliga chiqdi

Unga ko'ra, Madridning ikki klubi "Atletiko" va "Real" bosh mukofot uchun kurashni davom ettiradigan bo'lishdi. Angliya chempioni "Lester" o'z maydonida "Atletiko" bilan 1:1 hisobida durang o'ynadi. 

Ilk uchrashuvda "matraschilar" 1:0 hisobida zafar quchishgandi. Bu bilan "Atletiko" so'nggi 4 yil ichida uchinchi marotaba mazkur turnirning yarim finaliga yo'l oldi.

CHempionlar ligasi. 1/4 final. Javob o'yini

"Lester" - "Atletiko" - 1:1 (0:1)

Gollar: 0:1 – 26 Saul, 1:1 – 61 Vardi.

"Lester" – SHmeyxel, Morgan (Amarti, 84), Fuks, Simpson, Benaluan (CHiluell, 46), Drinkuoter, Ndidi, Olbrayton, Marez, Okadzaki (Uloa, 46), Vardi.

"Atletiko" – Oblak, Godin, Savich, Filipe Luis (Korrea, 74), Ximenes, Ferreyra Karrasko (Torres, 69), Gabi, Koke, Saul, Grizmann, Xuanfran (Lyuka Ernandes, 56).

Birinchi o'yin – 0:1

Madridda kechgan “Real” va “Bavariya” jamoalari o'rtasidagi o'yin g'olibi qo'shimcha bo'limlarda aniqlandi. Myunxenda o'tgan ilk o'yinda madridliklar 2:1 hisobida g'alaba qozonishgandi.

Ammo “Santyago Bernabeu”dagi bahsda o'yinning asosiy vaqtida mehmonlar 2:1 hisobida oldinga chiqib olishdi.

Natijada 15 daqiqadan iborat ikkita taymda tomonlar yarim final uchun kurashni davom ettirishdi. Bir kishi kam bo'lib qolgan germaniyaliklar maydon egalarining hujumlariga dosh bera olishmadi.

Natijada Ronaldu (2 ta) va Asensio tomonidan kiritilgan gollar yakunda Zidan jamoasining 4:2 hisobidagi g'alabasini taminladi.

Real Madrid Ispaniya – Bavariya Germaniya 4:2 (0:0, 1:2, 1:0)

Gollar: 0:1 – 53, penalti Levandovski, 1:1 – 76 Ronaldu, 1:2 – 77, avtogol Ramos, 2:2 – 104 Ronaldu, 3:2 – 109 Ronaldu, 4:2 – 112 Asensio.

Real Madrid – Navas, Nacho, Marselo, Karvaxal, Ramos, Modrich, Kazemiro, Kroos (Kovachich, 114), Isko (Vaskes, 71), Ronaldu, Benzema (Asensio, 64).

Bavariya – Noyer, Boateng, Xummels, Alaba, Lam, Vidal, Xabi Alonso (Myuller, 75), Alkantara, Robben, Riberi (Duglas Kosta, 71), Levandovski (Kimmix, 88).

Ogohlantirishlar: Vidal (5), Kazemiro (40), Xabi Alonso (70), Xummels (75), Robben (101).

CHetlatish: Vidal (84).

Birinchi uchrashuv – 2:1