Madrimov, Baturov va boshqalar davlat mukofoti bilan taqdirlanishdi

Bu haqida Jismoniy tarbiya va sport vazirligi matbuot xizmati xabar berdi. 2019 yil 28 iyun kuni O'zbekiston Respublikasi Prezidentining “Mardo'g'lon” davlat mukofoti bilan taqdirlash to'g'risida”gi qarori qabul qilindi.

Qaror bilan fan, talim, tibbiyot, madaniyat, adabiyot, sanat, sport va boshqa sohalarda faoliyatida erishgan alohida yutuqlari uchun 28 nafar iqtidorli yigit “Mard o'g'lon” davlat mukofoti bilan taqdirlandi.

Quvonarlisi, taqdirlanganlar orasida sportchi va murabbiylar ham bor. Bular:

1. Radjapov Alisher Muxadinovich – Nukus sport kollejining 3-bosqich o'quvchisi (Qoraqalpog'iston Respublikasi)

2. Baturov Bobo-Usmon SHamsutdin o'g'li – Paxtakor tumanidagi bolalar va o'smirlar sport maktabining boks bo'yicha murabbiyi (Jizzax viloyati)

3. Abdumutalov Muhammadsiddiq Qahramonjon o'g'li – Kosonsoy tumanidagi bolalar va o'smirlar sport maktabining karate bo'yicha murabbiyi (Namangan viloyati)

4. Uzbekov Lazizxon Xomidxon o'g'li – Samarqand ixtisoslashtirilgan olimpiya zaxiralari maktab-internatining 3-bosqich o'quvchisi (Samarqand viloyati)

5. Qurbonov Javohir Abdumalik o'g'li – Sirdaryo tumanidagi bolalar va o'smirlar sport maktabining og'ir atletika bo'yicha murabbiyi (Sirdaryo viloyati)

6. Xolmurzaev SHaxboz Ibragim o'g'li – O'zbekiston davlat jismoniy tarbiya va sport universitetining 4-bosqich talabasi (Toshkent viloyati)

7. Evdokimov Danil Aleksandrovich – CHirchiq ixtisoslashtirilgan olimpiya zaxiralari maktab-internatining 3-bosqich o'quvchisi (Toshkent shahri)

8. Madrimov Israil Modrahimovich - O'zbekiston Respublikasi Ichki ishlar vazirligining qorovul qo'shinlari xodimi (Xorazm viloyati)