Madrimov nokautga uchratgan Magomed Kurbanov Tim Czyuni jangga chorladi

U 30 noyabr kuni Ekaterinburgda (Rossiya) tashkil etilgan boks oqshomi doirasida Aslanbek Kozaevni mag'lub etdi.

Jangdan keyin Kurbanov avstraliyalik Tim Czyu bilan jang qilish istagini bildirdi:

"Biz qaytdik, endi to'xtamaymiz. Faqat olg'a boramiz. Men katta janglarga tayyorman. Men Timofey Czyuni jangga chorlayman. Bu Rossiya va umuman butun dunyo uchun, ikkalamiz uchun yaxshi jang. G'olib oldinga boradi, ikkinchisi qoladi. Bularning barchasi tabiiy, tabiiy tanlanish, tabiiy raqobatdir. Bu jangdan qochishning manosi yo'q", dedi Kurbanov.

Eslatib o'tamiz, Magomed joriy yilning may oyida hamyurtimiz Isroil Madrimov bilan jang qilib, 5-raundda nokaut bilan muddatidan oldin mag'lub bo'lgandi.