Makgregor Maxachev - Pore jangiga munosabatini bildirdi

Irlandiyalikning aytishicha, markaziy jangi Islam Maxachev va Dastin Pore o'rtasidagi engil vazn chempionligi uchun bo'lgan to'qnashuvi uchun 500 000 pullik translyaciya sotilgan.

"UFC 302 turniri uchun 500 ming pullik translyaciya sotilibdi. Bu shunchaki teshik kulcha, boshqa tarif topa olmadim", - deya o'zining ijtimoiy tarmoqdagi sahifasida xabar qoldirgan Konor.

Maxachev chempionlik himoya jangining so'nggi beshinchi raundida Poreni bo'g'ish usuli bilan mag'lubiyatga uchratgan edi. Yaqinda Islamning menejeri uning mijozi Konor bilan jang qilishga qarshi emasligini aytgandi. 

"Konor CHendlerni birinchi raundning o'zida nokaut qilishi mumkin. U jahon sportidagi katta nomlardan biri. Uni yaxshi ko'rasizmi yoki yo'q, agar u Mayklni mag'lub etsa, Danadan chempionlik uchun imkoniyat so'raydi. SHunday bo'lgan taqdirda, Islam ham bu jangga yo'q demaydi. Bu katta jang va tabiiyki, katta pullar", - dedi Abdel-Aziz Submission Radio radiosiga bergan intervyusida. 

Eslatib o'tamiz, Konor Makgregor va Maykl CHendler o'rtasida yarimo'rta vazn toifasida o'tkaziladigan jang 29 iyun kuni Las-Vegas shahrida tashkil etiladigan UFC 303 turniri doirasida bo'lib o'tadi.