Makgregor Ronalduga bir yil avval bergan vadasini bajardi

Makgregor o'tgan yili shu paytda Ronalduga Forbes reytingida undan o'zib ketishiga vada bergan edi. Konor o'z so'zining ustidan chiqdi. Garchi boks bahsida Floyd Meyvezerga imkoniyatni boy bergan bo'lsada, o'sha jangdan Makgregor taxminan 83 million evro ishlab oldi.

Bu esa irlandiyalik sportchining reytingda Krishtianu Ronaldudan o'zib ketishini taminlaydi. O'tgan yili portugaliyalik futbolchi 77 million evro yillik daromad bilan reytingda birinchi pog'onadan joy olgan edi.

Lekin Konor reytingda birinchi o'rinni egallamaydi. Aynan Makgregorga mag'lubiyatni taqdim etgan Floyd Meyvezer 252 million evro bilan Forbes jurnali karvonboshisiga aylanadi. Aynan shuncha gonorarni u Konorga qarshi jangda qo'lga kiritdi.