09 apr 17:09
Yangiliklar

Boshqalar

Mamlakat chempionatida kuchlilar saralandi

6-8 aprel kunlari poytaxtimizdagi O'zbekiston taekvondo WTF federaciyasiga qarashli “Universal” sport majmuasi mezbonlik qilgan mamlakat chempionati kuchlilarni saraladi.

Uch kun davomida 5 yoshdan 50 yoshgacha va undan katta bo'lgan ishtirokchilar taolu, yani ko'rgazmali chiqish bellashuvlarida o'zlarini ko'rsatishgan bo'lsa, 10 yoshdan 18 yoshgacha va undan katta bo'lgan ishtirokchilar sanshou janglarida o'zaro raqib bo'lishdi.

Taoluda Xonzoda Abdullaeva, Kamola Usmonova, Zinnura Saidova, Ziyoda Rahmatjonova, Farruxa Usmonova, Gulchiroy Rahimova, Masuma Melimurodova, Darya Latishova, Sulaymon Ulg'unov, Abdurashid Bahodirov, Behruz Muhammadaliev, Sirojidin Anvarov o'z raqiblaridan ustun kelishib, O'zbekiston chempionlari bo'lishdi.

Sanshouda esa Andijon, Jizzax, Qashqadaryo, Namangan, Samarqand viloyatlari va Qoraqalpog'iston Respublikasi hamda Toshkent shahri yakkama-yakka jang ustalari sovrindorlar safidan o'rin olishdi.

Aynan ushbu musobaqa Braziliyada o'tkaziladigan yoshlar o'rtasidagi jahon chempionati hamda Indoneziyada mezbonlik qiladigan Osiyo o'yinlari oldidan o'ziga xos tayyorgarlik vazifasini o'taganligi bilan ahamiyatlidir.