Mamlakatimizda basketbolni yanada ommalashtirish yuzasidan yig'ilish o'tkazildi

Videokonferenciya shaklida o'tkazilgan yig'ilishda Jismoniy tarbiya va sport vazirining birinchi o'rinbosari Ravshan Ermatov ishtirok etdi. Yig'ilishda basketbolning rivoji yo'lida olib borilayotgan ishlarni to'la darajada qoniqarli emasligi qayd etildi.

Hozirgi kunda ushbu sport turi bilan 669 nafar murabbiy va 12 000 dan ortiq sportchilar shug'ullanib kelayotgan bo'lsalarda, basketbol respublikamizning barcha hududlarida bir xil darajada rivojlangan deb bo'lmaydi.

Umumtalim maktablari jismoniy tarbiya fani o'quv dasturida basketbol sport turi kiritilgan va darsdan keyin shug'ullanuvchilar mavjud bo'lishiga qaramasdan, turli yoshdagi terma jamoalarni shakllantirish, selekciya ishlariga etarli etibor qaratilmayotganligi, oxirgi yillar davomida xalqaro maydonda arzirli natijalar qo'lga kiritilmayotganligi, bundan tashqari Milliy terma jamoalarning ham raqobatbardoshlilik darajasi yuqori emasligi alohida takidlab o'tildi.

Yurtimizning barcha shahar va tumanlarida, har bir o'quv muassasalarida sport zallari mavjud bo'lsada, bu imkoniyatlardan etarli darajada foydalanilmayotganligi, ko'plab turar-joy mavzelarida, mahallalarda, chekka qishloqlarda o'yin maydonchalari shug'ullanuvchilar ehtiyojini qondira olmayotganligi etirof etildi.

SHuningdek, yig'ilishda basketbolning ommaviyligini yanada rivojlantirish, uning tomoshabopligi va homiylarini shakllantirish zaruriyati, erkaklar, ayollar, talabalar va bolalar basketbol ligalarini har tomonlama qo'llab-quvvatlash, barcha yoshdagi terma jamoalarning murabbiylar shtabiga selekciya ishlariga etibor qaratish, yil yakuni bo'yicha Bosh murabbiylar faoliyatiga alohida baho berilishi kabi vazifalar belgilandi.

Yig'ilish yakunida sport o'yinlari bo'yicha Respublika Oliy sport mahorati maktabi va Bosh murabbiylar oldiga davlat va homiylik ko'magi yordamida milliy chempionatni Osiyo, Evropa va boshqa davlatlardagi etakchi basketbol ligalari darajasiga ko'tarish, murabbiylar va hakamlarning malakasini oshirish hamda xalqaro musobaqalarni tegishli tashkiliy darajada tashkil etish uchun xalqaro ekspertlarni yanada faol jalb qilish bo'yicha muhim vazifalar qo'yildi.

SHuningdek, mamlakatimizda sport o'yinlarini rivojlantirish bo'yicha O'zbekiston Respublikasi Vazirlar Mahkamasining qarori loyihasini ishlab chiqish bo'yicha kelishib olindi.