19 sen 09:32
Yangiliklar

Futbol

“Man Siti” 18 yoshli yarim himoyachi bilan shartnomani besh yilga uzaytirdi + FOTO

“Manchester Siti” klubi rasmiy sayti jamoa yarim himoyachisi Tommi Doyl bila shartnoma uzaytirilganligini malum qildi.

18 yoshli futbolchi bilan yangi kelishuv 2025 yilga qadar amalda bo'ladi.

“Men “Manchester Siti”ni o'zimning uyim deb bilaman. Klub bilan shartnomani uzaytirish men uchun katta sharaf. SHu bois bir qarorga kelish qiyin bo'lgani yo'q. Endi hammasi joyida, men baxtliman va yangi mavsumga tayyorman. O'ylashimcha, bu mavsumda o'zimni yanada yaxshiroq ko'rsata olaman. Men doim Angliya premer ligasida to'p tepishni orzu qilganman”, dedi Doyl.

Doyl “Manchester Siti” klubi tarbiyalanuvchisi hisoblanadi. Yarim himoyachi 2019 yilning oktyabrida Angliya Liga kubogi doirasida “Sautgempton”ga qarshi bellashuvda asosiy jamoada debyut o'yinini o'tkazgandi.