Manba - "Humo" xokkey klubi Qozog'iston chempionati ishtirokchilari ro'yxatidan chiqarilishi yoki to'liq Qozog'istonga ko'chib o'tishi mumkin

"Norasmiy malumotlarga qaraganda, "Humo" xokkey klubi keyingi mavsum qaysi chempionatda ishtirok etishi nomalum. Sababi Qozog'istonda yaqin kelajakda qonunchilikka o'zgartirishlar kiritilishi mumkin, unga ko'ra xorijiy klublar ushbu mamlakat chempionatida o'ynay olmaydi.

Yana bir mish-mishga ko'ra, "Humo" Qozog'istonda qo'nim topadi. Jamoa yangi yil paytida Toshkentga keladi. Tarkib esa 90% qozog'istonliklardan iborat bo'ladi", deb yozgan Nurmatov.

Avvalroq, Toshkentning "Humo" klubida yakuniga etgan mavsumda Qozog'iston chempionatining bronza medallarini qo'lga kiritish imkoniyati mavjud edi, biroq chempionat reglamentiga ko'ra, sovrindor jamoa xorijiy bo'lgani uchun medallar Toshkent klubiga berilmadi.