Marat Jumaev Nyu-Deli turnirida sovrindor bo'ldi

15th Delhi International Open Grandmasters shess tournament musobaqasida uch nafar grossmeysterimiz – Marat Jumaev, Gulruhbegim Tohirjonova va Sarvinoz Qurbonboevalar ham o'z imkoniyatlarini sinovdan o'tkazishdi. 

Kecha musobaqada so'nggi 10-tur uchrashuvlari bo'lib o'tdi. Marat Jumaev 10 imkoniyatdan 8 ochko jamg'arib, qo'shimcha ko'rsatkichlarga ko'ra 3-o'rinni egalladi. Ikkinchi o'rindagi shaxmatchi hisobida ham 8 ochko bor. 

Jumaev 10-partiyada qora donalarda o'ynashiga qaramay, hindistonlik grossmeyster Murali Kartikyan bilan durang qayd etdi. Hamyurtimiz turnirda 20-raqam ostida tasniflangan edi.

Sarvinoz Qurbonboeva so'nggi turda oq donalarda o'ynab, mezbon shaxmatchi Kumar Gauravni mag'lubiyatga uchratdi. U kechagi g'alabadan so'ng musobaqada 52-o'rinni egalladi.