Marokash Gran-Prisi. Franciya va O'zbekistonda 2ta oltin medal!

Marokash Gran-Prisining ikkinchi kungi bahslarida terma jamoamiz bitta bronza medali hisobiga boyidi. -73 kg vazn toifasida yurtimiz sharafini himoya qilgan Hikmatillo To'raev bronza medalini qo'lga kiritdi. U bronza medali uchun kechgan uchrashuvda turkiyalik Bilal CHilogluni mag'lubiyatga uchratdi. 

SHu tariqa, Marokash Gran-Prisidagi medallarimiz soni 3taga etdi. Birinchi kungi bahslarda SHarofiddin Lutfullaev va Sardor Nurillaev oltin medalga sazovor bo'lishgan edi. Ikkinchi kungi bahslardan so'ng O'zbekiston terma jamoasi 2 ta oltin, bitta bronza medali va bitta 5-o'rin bilan umumjamoa hisobida ikkinchi o'rinni egallab turibdi. 

Franciya terma jamoasi hisobida ham 2ta oltin va bitta bronza medali bor. Lekin franciyalik dzyudochilarning 3 nafari beshinchi, ikkisi ettinchi o'rinni egallagan. Faqat shu nisbat hisobiga ko'ra faranglar birinchi o'rinni egallab turishibdi.  

Bittadan oltin, kumush va bronza medaliga ega bo'lib turgan Ispaniya terma jamoasi kuchli uchlikka yakun yasagan. Bolgariya, Rossiya, Sloveniya va Xitoy Taypeyi dzyudochilari ikki kunlik bahslarda bittadan oltin medalni qo'lga kiritishgan. Hozircha jami 23ta jamoa hisobida kamida bittadan bronza medali bor.