Martabali mehmonlar Olimpiya shaharchasidagi qurilish jarayoni bilan tanishishdi

Bugun martabali mehmonlar Olimpiya shaharchasiga tashrif buyurib, qurilish ishlari bilan yaqindan tanishishdi.

Rasmiylarni MOQ Bosh kotibi Oybek Kasimov kutib oldi. Dastavval faxriy mehmonlarga bunyodkorlik loyihasi haqida batafsil malumot berildi. 100 gektar maydonda 10 ming o'rinli engil atletika va futbolga ixtisoslashgan asosiy stadion, 6 ta yopiq va 13 ta ochiq inshootlar barpo etilmoqda. Barcha obektlarga eng zamonaviy va ilg'or kompaniyalar tomonidan ishlab chiqariladigan qoplamalar yotqiziladi.

Husayn Al Musallam loyihaga yuqori baho berdi. Ayniqsa, unda suv sporti turlari, engil atletika va o'yin sport turlari uchun qurilayotgan arenalar katta qiziqish uyg'otdi. SHuningdek, velodrom loyihasi Osama Al SHafarning etiborini tortdi. Osiyo velosport konfederaciyasi rahbari Xalqaro velosportchilar ittifoqi (UCI) prezidenti David Lapartenga obekt haqida o'zining ajoyib taassupotlarini so'zlab berishini malum qildi. Zero, Markaziy Osiyoda Qozog'iston va Turkmanistonda velotrek inshootlari bo'lsa ham, Toshkentda qad rostlaydigan velodrom UCI tomonidan qo'yilgan eng so'nggi talablarning barchasiga javob bera olishi bilan ajralib turadi.

Mutasaddilar suhbat davomida arenalarda sinov musobaqalarini o'tkazish bo'yicha ham fikr almashdi. OOK Bosh direktori bu borada o'z tavsiyalarini bildirib, tashkilot hamisha yordamga tayyor ekanini takidladi.