Maxachevga boshqa raqib berishlari mumkin, buni Islamning o'zi tasdiqladi

UFC 280 turniridagi g'alabadan so'ng Maxachevning keyingi raqibi yarim engil vazn chempioni Aleksandr Volkanovski bo'lishi aytilgandi. Hatto ikki chempion oktagonda yuzma-yuz kelishgan va o'zaro gaplashib ham olishgandi, O'shanda jangning o'tkazilishini UFC prezidenti Dana Uayt, Islamning murabbiyi Xabib Nurmagomedov ham tasdiqlagandi. 

"Menga CHendler – Pore jangi g'olibini berishlari mumkin. Yaqin ikki hafta ichida ilk himoya jangnimni kimga qarshi o'tkazishim aniq bo'ladi", - deya TASS nashriga intervyu bergan Maxachev.

Eslatib o'tamiz, Islam Maxachev va Aleks Volkanovski o'rtasidagi birlashtiruvchi chempionlik jangini 2023 yilning 11 fevral kuni Avstraliyaning Pert shahrida tashkil etiladigan UFC 284 turniri doirasida o'tkazilishi aytilgan edi. 

Dastin Pore va Maykl CHendler o'rtasidagi davogarlar jangi esa 12 noyabr kuni Nyu-Yorkda o'tkaziladigan UFC 281 turniri doirasida bo'lib o'tadi.