Maxachevning menejeri: "Xabibni UFC loyihasi deb o'ylamayman"

"Agar meni fikrimni so'rasangiz, men unday deb hisoblamayman. Xabib faoliyatining boshida juda ko'p qiyinchiliklarga duch kelgandi. Raqiblar juda kuchli edi, uni jarohatlar qiynadi. Raqiblari u bilan jang qilishni rad qilishardi. 

2016 yili bizning qo'limizda ikkita shartnoma bor edi. Biz esa Eddi Alvares bilan jangni tanladik. Ikki haftadan so'ng esa matbuotdan bu jangda Makgregor qatnashishini bildik. Xabib chempionlik imkoniyatini juda uzoq kutdi. U yillar davomida raqiblari ustidan hukmronlik qildi. Ko'pchilik uning bu mehnatlarini etarlicha baholamaydi", - dedi Rizvan Magomedov.