Mayami "Masters". Karen Xachanovda mag'lubiyat

Biroz kutilmaganda dunyoning 25-raketkasi bo'lib turgan Karen Xachanov ikkinchi davra uchrashuvida ATP reytingining 37-pog'onasidan joy olgan amerikalik Tommi Polga 4/6, 6/3, 6/7(3) hisobida imkoniyatni boy berib qo'ydi. 

Bir yuz qirq etti daqiqa davom etgan bahsda rossiyalik 25 yoshli Xachanov 6 ta eys, 3 ta breyk-poyntni amalga oshirib, 3 ta qo'shxatoga yo'l qo'ydi. 24 yoshli Pol ham 6 ta eys zarbasini ijro etdi. Bu tennischilarning o'zaro o'tkazgan ilk uchrashuvi edi.