Mayk Tayson samolyotdan to'g'ri kasalxonaga olib ketildi

Guvohlarning aytishicha, samolyot qo'nishiga yarim soatdan ko'proq vaqt qolgan bir paytda bortda shifokor bormi degan elon yangradi. Natijada "Temir Mayk" samolyotdan to'g'ri tez yordam mashinasida shifoxonaga olib ketilgan. 

"Mister Taysonda hammasi joyida. Qo'nishimizga 30 daqiqada qolgan bir paytda Maykning oshqozondagi yazvasi, yani yarasi bezovta qila boshladi. Buning natijasida bosh aylanishi, chanqoqdan og'iz qurishi holatlari yuzaga keldi. Baxtimizga hammasi ko'ngildagidek o'tdi. Samolyot bortida bizga birinchi yordamni bergan, keyinchalik shifoxonada g'amho'rlik qilgan tibbiyot xodimlariga rahmat aytamiz", - deya The New York Post nashriga malumot bergan Taysonning vakili. 

Hozircha, Mayk Tayson bilan bo'lib o'tgan voqea uning 20 iyul kuni Arlingtonda Jeyk Polga qarshi o'tkazadigan jangiga tasir o'tkazadimi-yo'qmi, hozir bu malum emas.