Maykl Peyj bo'yicha UFC o'z qarorini elon qildi

SHarhlovchi Jon Morganning xabar berishicha, UFC reytinglarini tuzishda ishtirok etuvchi jurnalistlarga Peyjni ro'yxatdan chiqarilgani haqida bildirishnoma kelgan. "Hurmatli ekspertlar kengashi azolari! Maykl Peyj hozirgi vaqtdan boshlab reytingdan chiqarildi. Agar siz uni o'rta vazn toifasidagi reytingingizga kiritgan bo'lsangiz, iltimos, ushbu vazndagi reytingni 15 nafar sportchidan iborat bo'lishi uchun o'zgartiring", — deyiladi bildirishnomada.

Ro'ziboevga qarshi kechgan o'ta sust jangdan keyingi intervyuda Maykl o'z chiqishini eng yaxshi darajada bo'lmaganini tan olgan, biroq UFC u bilan yangi shartnoma imzolashiga umid bildirgandi.

"Men UFC vakillari bilan o'tirib, ular bilan ochiq gaplashib olaman, — deb vada berdi Peyj. — Ularga shunday deyman: “Eshiting, men undan ham yaxshiroq jang qila olishimni tushunib turibman. Va men yaxshiroq bo'lishni xohlayman. Menga kuchliroq raqiblar bering, men muxlislarga yoqadigan jang ko'rsata olishimga ishonaman”.