Maykl Peyj ertangi jang oldidan Nursulton Ro'ziboevga maslahat berdi

"Odamlar mening janglarim va uslubimni tashqaridan tahlil qilishlari mumkin, ammo oktagonga kirishganida karaxt bo'lib qolishadi. "Ular meni tutib olish oson deb o'ylashadi, zarba berishga harakat qilishadi, lekin men u erda bo'lmayman. Natijada raqiblarim o'ta extiyotkor, himoyaviy uslubga o'tib qolishadi. Nursultonning o'ziga ishonchi balandligidan xursandman, shunday ham bo'lishi kerak. Lekin haqiqat shundaki, garchi yoshim raqiblarimning aksariyatidan katta bo'lsa-da, tezligim o'sha-o'sha — men hamon ulardan ancha tezman.

Agar u men bilan tik turgan holda jang qilishga qaror qilsa, bu uning uchun katta xato bo'ladi. Nursulton meni xuddi yaxshi ko'rgandek qattiq quchoqlab oladi deb o'ylayman. Umuman olganda, kim bo'lishingiz va qanday bazaga ega ekanligingizdan qati nazar — xoh kikbokschi bo'ling yoki boshqa — mening qarshimda turganda mendan tezroq harakat qila olmaysiz. 

U juda katta yigit, bo'yi ham baland. SHunga qaramay, raqibim uchun mukammal masofani topa olaman. U baribir mendan sekinroq harakat qiladi", dedi Peyj.

Nursulton Ro'ziboev va Maykl "Venom" Peydj o'rtasidagi jang ertaga, 5 sentyabr kuni Franciya poytaxti Parij shahrida bo'lib o'tadi.