Maykl Peyj: "Menga kuchliroq raqiblar bering!"

"Eng yoqimsiz tomoni shundaki, g'alaba qozonganim uchun o'zimni alo darajada his qilyapman. Bazida etarlicha harakat qilmayman va natija ham shuni ko'rsatib turibdi. Balki, o'zimni biroz ko'proq majburlashim, ko'proq tavakkal qilishim kerakdir. Bazida hamma narsa juda toza, juda aniq bo'lishini xohlayman.

Men shunchaki bundan ham ko'proq narsaga qodir ekanimni bilaman va oktagonga chiqqanimda o'zimni tiyib turgandek his qilishim meni g'azablantiradi. Men ko'proq narsa berishni xohlayman. Muxlislar bunga loyiq, UFC bunga loyiq. Men bundan ham ko'proq narsaga qodir ekanimni bilaman. Va nazarimda, bunga juda yaqinman.

Uslubimni biroz o'zgartirishimga to'g'ri keladi. Balki, raqiblarim oldinga chiqishlari uchun qulayroq bo'ladigan qilib moslashtirish kerakdir. Ehtimol, bu meni biroz kamroq xavfli qiladi, lekin ish hajmi evaziga baribir o'z maqsadimga erishaman. Yana boshidan boshlash kerak. Aniq javobni bilmayman. Hammasini qayta ko'rib chiqish, sparringlarda sinab ko'rish va nima bo'lishini kuzatish kerak", — dedi britaniyalik jangdan keyingi intervyusida.

Ushbu g'alaba bilan Peyj tashkilot bilan tuzgan amaldagi shartnomasidagi so'nggi jangini o'tkazdi. U endi liga bilan kelishuvni uzaytirishga erishishiga umid qilmoqda.

"Men UFC vakillari bilan o'tirib, ochiqchasiga gaplashib olaman. Eshitib qo'ying, men bundan ham yaxshiroq jang qila olishimni bilaman. Men yaxshiroq bo'lishga intilyapman. Menga kuchliroq raqiblar bering va ishoning, men omma oldida o'zgacha narsani ko'rsata olaman", — deya qo'shimcha qildi Peyj.