Maykl Peyj Nursulton Ro'ziboevga qarshi jangdan keyingi fikrlari bilan o'rtoqlashdi

U hamyurtimiz Nursulton Ro'ziboevni ochkolar hisobiga ko'ra mag'lubiyatga uchratdi va bu uning dunyoning eng kuchli ligasida o'tkazgan oltita jangidagi beshinchi g'alabasi bo'ldi. Biroq, ijobiy natijaga qaramay, u o'z chiqishini unchalik yaxshi bo'lmaganini tan oladi va janglarning tomoshabop emasligi sababli UFC u bilan shartnomani uzaytirmasligidan xavotirda.

"O'zimni juda yaxshi his qilyapman, bu esa bazida bor kuchim bilan harakat qilmaganimni anglatishi mumkin va natijalar ham aynan shunday ekanligini tasdiqlamoqda, — dedi Peyj jangdan keyingi intervyuda. — Balki, men ko'proq kuch sarflashim va biroz ko'proq tavakkal qilishim kerak edi. Bazida juda toza, juda aniq harakat qilishni xohlayman... Oktagonga chiqqanimda, o'zimni tiyib turgandek his qilaman. Bor kuchim bilan jang qilishni istayman.

Hech bir raqib men bilan tenglasha olmaydi. Ammo, boshqa tomondan, ko'pchilik men bilan jangda omon qolishi mumkin. Muammo shunda, buni o'zgartirish kerak. Faolroq bo'lish va aytganimdek, biroz ko'proq tavakkal qilishim kerak. Hatto biroz emas, ancha ko'proq".