16 fev 09:14
Yangiliklar

Tennis

Medvedev Marseldagi turnirning finaliga chiqa olmadi

Teglar : Daniil Medvedev Xamad Mejedovich

Dunyoning sakkizinchi raketkasi Daniil Medvedev Franciyaning Marsel shahrida o'tkazilayotgan ATP 250 toifasiga kiruvchi turnirning final ostonasida to'xtatildi.

Rossiyalik tennischi kutilmaganda ATP reytingida 96-pog'onada borayotgan Xamad Mejedovichga 3/6, 2/6 hisobida yutqazib qo'ydi. Serbiyalik tennischi faoliyatida ilk bor Top-10 reytigidan o'rin olgan raqibni mag'lub etdi.

Bu g'alabasi evaziga u tennischilarning o'zaro uchrashuvlaridagi hisob muvozanatini ham tiklashga muvaffaq bo'ldi. Etmish uch daqiqa davom etgan 1/2 final bahsida Mejedovich 7, Medvedev esa 2 ta eys zarbasini amalga oshirdi. Ikkala tennischi ham 3 tadan qo'shxatoga yo'l qo'ydi. Breyklar bo'yicha ustunlik tabiiyki, g'olib tennischi tomonida bo'ldi - 5 ga 2.