Medvedev Mayami "Masters"da 1020-raketkaga qarshi kortga chiqdi

Sayyoramizning ikkinchi raketkasi Daniil Medvedev Mayami "Masters" turnirining uchinchi davrasiga yo'l oldi. Rossiyalik tennischi ikkinchi davrada Xitoy Taypeyi vakili Lyu Yen-Sunni ikki setda ham bir xil hisobda mag'lub etdi - 6/2, 6/2.

Ellik etti daqiqa davom etgan bahsda 25 yoshli Daniil o'z hisobiga 9 ta, reytingning 1020-pog'onasidan joy olib turgan 37 yashar Lyu Yen-Sun esa 1 ta eys zarbasini yozib qo'ydi. Endi Medvedev Miami Open turnirining uchinchi davrasida amerikalik Reylli Opelkadan 6/4, 6/2 hisoblarida ustun kelgan avstraliyalik Aleksey Popiringa qarshi kortga chiqadi.