Messi klublar miqyosidagi xalqaro o'yinlarda 100ta gol kiritgan ilk futbolchi

Argentinalik yulduz Evropa chempionlar ligasining guruh bosqich 5-turidan o'rin olgan “Seltik”ga qarshi uchrashuvda o'zining 99, 100-gollarini kiritdi.

Messi ana shu 100ta golidan 92tasini ECHL uchrashuvlarida, 5tasini klublar o'rtasidagi Jahon chempionatida, 3tasini esa Evropa Superkubogi o'yinlarida kiritgan. Leoga raqiblar darvozasini 100 bor ishg'ol qilish uchun 119ta o'yin kerak bo'ldi.

Bu borada ikkinchi o'rinni “Real” hujumchisi Krishtianu Ronaldu band etgan. Portugaliyalik futbolchining hisobida 99ta gol bor. Messidan farqli ravishda u bu gollarini “Sporting”, “Manchester Yunayted” va “Real” klublari safida kiritgan. 99ta gol urish uchun Ronalduga 141ta o'yin kerak bo'lgan.