Meyvezer va Makgregorning MMA jangidan qancha gonorar ishlab olishi malum

talkSPORT insayderi Jim Uaytning aytishicha, bu ikki sportchi o'rtasidagi revansh jangi har qanday holatda ham bo'lib o'tadi. Konor ham, Floyd ham hozirgi matbuotdagi chiqishlari bilan revansh jangiga bo'lgan pyar, yani qiziqishni oshirishmoqda.

“Meyvezerga yaqin odamlardan revansh jangi haqida gap-so'z bo'layotgani haqida eshitdim. Axir Konor bokc qoidalari asosida o'tkazilgan ilk jangda g'alaba uchun hech qanday imkoniyatga ega bo'lmadi. U shu tariqa yutqazib ketadigan sportchilardan emas.

O'ylashimcha, revansh jangi albatta bo'lib o'tadi. Makgregor MMA hududida qirol ekanini Meyvezerga isbotlashga urinadi. Bu jang har ikki sportchiga kamida 300, ko'pi bilan 500 million dollardan gonorar olib keladi”, – dedi Uayt.

Eslatib o'tamiz, o'tgan yilning avgust oyida bo'lib o'tgan boks qoidalari asosidagi jangda Floyd Meyvezer 10-raundda Konor Makgregorni texnik nokautga uchratgan edi.