Mezbonlar so'nggi kun qo'lga kiritilgan 3 ta oltin evaziga yakunda umumjamoa hisobida birinchi bo'lishdi

Uch kun davomida "Geolog" sport majmuasida tashkil etilgan mamlakat birinchiligida Qoraqalpog'iston Respublikasi, barcha viloyatlar va Toshkent shahrida kelgan 2008-2009 yillarda tavallud topgan yosh dzyudochilar medallar yo'lida bahs olib borishdi.

Yakunda Qashqadaryo viloyati terma jamoasi medallar jamg'arish bo'yicha umumjamoa hisobida birinchi o'rinni egallashdi. Musobaqa mezbonlari 5 ta oltin, 2 ta kumush, 5 ta bronza medalini qo'lga kiritishdi. 

So'nggi kungi bellashuvlarda 4 ta vazndan 3 tasida chempionlik shohsupasiga ko'tarilgan qashqadaryoliklar Xorazm viloyati dzyudochilarini quvib o'tishdi. Xorazm viloyati terma jamoasi 4 ta oltin, 5 ta kumush, 9 ta bronza medali bilan ikkinchi o'rinni egalladi. Kuchli uchlikka Toshkent shahri dzyudochilari 2 ta oltin, 4 ta kumush, 4 ta bronza medali bilan yakun yasashdi.   

SHuningdek, Buxoro, Samarqand, Jizzax va Toshkent viloyati terma jamoalari ham kamida bir nafardan O'zbekiston chempioniga ega bo'lishdi. Afsuski, bu safar Farg'ona, Namangan va Navoiy viloyati dzyudochilari musobaqani medalsiz yakunlashdi.