27 mar 12:04
Yangiliklar

Tennis

Miami Open. Medvedev kurashsiz 1/8 finalga chiqdi

AQSHning Mayami shahrida o'tkazilayotgan "Masters" seriyasiga kiruvchi turnir o'zining qizg'in pallasiga kirib boryapti.

Rossiyalik tennischi Daniil Medvedev o'yin o'tkazmay turib, musobaqaning to'rtinchi davra ishtirokchisiga aylandi. Uning slovakiyalik raqibi Aleks Molchan jarohati sabab kortga chiqmagan.

Malumot uchun, Daniil Medvedev ikkinchi davra uchrashuvida ispaniyalik Roberto Karbales-Baenadan 6:1, 6:2 hisobida ustun kelgan edi. Endi u keyingi bosqichda Kenten Alis (Franciya) – Makkenzi Makdonald (AQSH) uchrashuvi g'olibi bilan to'qnash keladi.

4 aprelga qadar davom etadigan Mayami "Masters" turnirining umumiy mukofot jamg'armasi 8,8 million dollarni tashkil qiladi.