Miami Open. Naomi Osaka muvaffaqiyatli start oldi

Dunyoning ikkinchi raqamli tennis malikasi Naomi Osaka okean ortidagi musobaqadagi ishtirokini g'alaba bilan boshladi. Yaponiyalik tennischi ikkinchi davra uchrashuvida reytingning 77-pog'onasida borayotgan avstraliyalik Ayla Tomlyanovidan ustun keldi - 7/6(3), 6/4.

Roppa-rosa 100 daqiqa davom etgan bahsda 23 yoshli Naomi 13 ta, 27 yashar Tomlyanovich esa 5 ta eys zarbasini amalga oshirdi. Bu tennischilarning o'zaro o'tkazgan ilk uchrashuvi edi. Osaka Miami Open turnirining uchinchi davrasida qozog'istonlik Yuliya Putincevadan 5/7, 7/5, 6/2 hisoblarida ustun kelgan serbiyalik Nina Stoyanovichga qarshi kortga chiqadi.