01 apr 07:44
Yangiliklar

Tennis

Miami Open. Osakaning kutilmagan mag'lubiyati

AQSHning Mayami shahri mezbonlik qilayotgan nufuzli WTA turnirida yarim finalchilar aniqlanmoqda.

Kutilmaganda sayyoramizning ikkinchi raketkasi Naomi Osaka musobaqaning 1/4 finalida mag'lubiyat alamini totib ko'rdi. Yaponiyalik tennis malikasi reytingning 25-pog'onasidan joy olib turgan greciyalik 25 yoshli Mariya Sakkariga yutqazib qo'ydi - 0/6, 4/6.

Uchrashuv 72 daqiqa davom etdi va unda 23 yoshli Naomi 1 ta, Mariya esa 2 ta eys zarbasini amalga oshirdi. Tennischilarning o'zaro uchrashuvlarida hamon Osaka peshqadam bo'lib qolmoqda - 3:2.