Milliy olimpiya qo'mitasi sovrindor sportchilarimizga eksklyuziv qo'l soatlari taqdim etdi + FOTO

Musobaqaning ortda qolgan etti kunida o'zbek sportchilari 22ta medal qo'lga kiritishga muvaffaq bo'lishdi.

Bugun, 25 avgust kuni Jakartadagi Olimpiya shaharchasida mazkur Osiyo o'yinlarida sovrindor bo'lgan bir qator sportchilarimizga esdalik sovg'alarini topshirish marosimi bo'lib o'tdi.

Olimpiya shaharchasidagi O'zbekiston sport delegaciyasi ishchi guruhi shtabida Milliy olimpiya qo'mitasi Bosh kotibi Jasur Matchanov Osiyo o'yinlarida shohsupaga ko'tarilgan bir qator sportchilarimizga MOQ buyurtmasiga binoan maxsus ishlab chiqarilgan eksklyuziv qo'l soatlarini taqdim etdi.

Birinchilardan bo'lib ushbu esdalik sovg'alari Oksana CHusovitina, Nikita Rafalovich, Dmitriy SHokin, Adham Ergashev, Doston Yoqubov, Murod Xolmurodov, Nigora Tursunqulova, Svetlana Osipova, Madina Mannopova va ularning murabbiylariga topshirildi.

Milliy Olimpiya qo'mitasi bundan keyin ham ushbu ananani davom ettiradi va musobaqada shohsupaga ko'tariladigan har bir sportchimiz va ularning murabbiylarini alohida esdalik sovg'alari bilan taqdirlab boradi.

P.S. Ushbu eksklyuziv soatlar Osiyo o'yinlarida muvaffaqiyatga erishgan sportchilarimizning kayfiyatini ko'tarish, ularning kuchiga kuch, g'ayratiga g'ayrat qo'shish maqsadida sovg'a qilindi. Hamyurtlarimiz vatanimizga qaytganlaridan so'ng O'zbekiston hukumati tomonidan ajratilgan alohida pul mukofotlari bilan ham taqdirlanadilar.