Milliy olimpiya qo'mitasi tomonidan tashkil qilingan selekciya ishlari o'zining qizg'in pallasida

Ko'rik-tanlov sifatida o'tkazilayotgan selekciyaning dastlabkisiga 25 noyabr kuni Andijon viloyatida start berilgandi. SHu kungacha mamlakatimizning 11 ta viloyati va Qoraqalpog'iston Respublikasida selekciya ishlari olib borildi.

Viloyatlarda, chekka-chekka hududlarda istiqomat qiluvchi yosh yigit-qizlar o'zlarini yadro uloqtirish, uzunlikka sakrash, balandlikka sakrash va 60 metrga yugurish kabi yo'nalishlarda sinab ko'rishdi. Iqtidorli sportchilar murabbiylar tomonidan saralab olindi. Endilikda tanlab olingan sportchilar bilan murabbiylar texnik-taktik yo'nalishda ish olib borishadi va musobaqalarga tayyorlashadi.

Asosiy maqsad – terma jamoamizga yangi nomlarni etishtirib berish va kelajakda ularni xalqaro musobaqalarda, Olimpiya o'yinlarida ishtirok etib, yurtimiz bayrog'ini ko'klarga ko'tarishini taminlashdir.

Endilikda yana ikki hudud – Toshkent viloyati (16 dekabr) va Toshkent shahri (17 dekabr)da istiqomat qiluvchi yoshlarimiz uchun selekcion musobaqa tashkil qilinadi. Har ikki ko'rik-tanlov ham CHirchiq shahridagi O'zbek davlat jismoniy tarbiya va sport universitetida o'tkaziladi. O'zingizni sinab ko'rish uchun juda yaxshi imkoniyat. Fursatni boy bermang!