“Milliy xalq o'yinlari - milliy g'urur” tanloviga marhamat!

Mazkur tanlovga taqdim etilayotgan ijodiy mahsulotlar – roliklarni tayyorlashda quyidagi jihatlarga alohida etibor qaratish talab qilinadi:

- Tanlovga taqdim etilayotgan ijodiy mahsulotlarda avvalo xalqimiz orasida unutilib borayotgan milliy sport turlari va xalq o'yinlarini saqlab qolish hamda ularni yosh avlod orasida keng ommalashtirishga alohida etibor qaratish;

- Roliklarda milliy mentalitetimizdan kelib chiqqan holda o'zbek xalqiga xos qadriyat va urf-odatlarni targ'ib qilish;

- Milliy sport turlari va xalq o'yinlarining aholi salomatligini mustahkamlashdagi o'rni va ahamiyatini ochib berish.

Tanlovga taqdim etiladigan ijodiy ishlarning vaqti 1-3 daqiqa oralig'ida bo'lishi, hajmi esa 100 mGbdan oshmasligi talab qilinadi.

SHoshiling, tanlov 2022-yilning 1-noyabriga qadar davom etadi. Tanlovga taqdim etiladigan ijodiy ishlarni info@minsport.uz elektron manziliga yuborasiz.

Eng yaxshi ijodiy mahsulotlar esa tanlov g'olibi sifatida tashkilotchilar tomonidan munosib rag'batlantiriladi hamda eng sevimli telekanallaringiz orqali efirga uzatiladi.

Unutmang, “Milliy xalq o'yinlari — milliy g'urur” demakdir!