Ming nafar yoshlarning eng kuchlilari aniqlandi

Mamlakatimizning barcha viloyatlaridan va Qoraqalpog'iston Respublikasidan 1000 nafarga yaqin sportchilar ishtirk etgan mazkur kubok musobaqalari yoshlar, o'smirlar va kattalar o'rtasida yakkalik mashqlar, bellashuv, Temuriylar jang usuli va jamoaviy yo'nalishlarda bo'lib o'tdi.

- Bu galgi musobaqalarning jamoaviy ko'rgazmali mashqlarining qonun-qoidasiga biroz o'zgartirish kiritdik. Bilasiz, taekvondo, karate, u-shu jang sanatlarida koreyc, yapon, xitoy xalqlarining tarixi, madaniyati, ananalari usullar orqali namoyish qilinadi. Biz ham shu manoda har bir jamoa millatimizning tarixiy qahramonlari obrazini O'zbek jang sanati usullari orqali namoyish etishi lozimligini belgiladik. Ochig'i, 14 hududning murabbiylari va sportchilari tomonidan ishlab chiqilib, ijro etilgan usullar barchaga birdek manzur bo'ldi. Asosiysi, milliy qadriyatlarimiz yoshlar o'rtasida yanada ommalashdi. O'zbek jang sanatining yangi-yangi ko'rgazmali mashqlar jamlanmasi yaratildi. Bu esa xalqimizning boy ananalari targ'ibotiga xizmat qiladi, albatta. SHu o'rinda aytish lozimki, ushbu kubok bahslarida saralangan terma jamoa joriy yilning noyabr oyida Italiyada yakkakurash sport turlari bo'yicha o'tadigan Jahon kubogida Vatanimiz sharafini himoya qiladi, – deydi Respublika O'zbek jang sanati federaciyasining Toshkent shahar bo'limi ijrochi direktori Bahodir Nazarov.

O'zbekiston kubogida umum jamoalar natijasiga ko'ra, poytaxtlik sportchilar 1-o'rin, Toshkent viloyati vakillari 2-o'rin, Andijon jamoasi esa faxrli 3-o'rinni egalladi.