Mintaqalarda jismoniy tarbiya va sport rivojiga etibor har qachongidan yuqori

Ushbu tadbirda O'zbekiston Respublikasi Yoshlar siyosati va sport vaziri Adham Ikramov hamda O'zbekiston Milliy Olimpiya qo'mitasi Bosh kotibi Oybek Kasimov ham ishtirok etyapti. 

Mutasaddilarimiz safar davomida bir qator mamlakatlarning vakillari bilan uchrashib, o'zaro hamkorlik aloqalarining yangi bosqichi xususida fikr almashishmoqda.

Dastavval, A.Ikramov va O.Kasimov MINEPS VII tadbirining anjumanida qatnashishdi. Unda ishtirokchi davlat vakillari mavjud muammo va kamchiliklar, qolaversa, sohani yanada rivojlantirish bo'yicha o'z taklif va mulohazalarini bildirdilar.

Kun davomida Rossiya Federaciyasi Sport vaziri Oleg Maticin, Belarus Turizm va sport vaziri Sergey Kovalchuk hamda Turkiya Yoshlar va sport ishlari vaziri Osman Ashkin Bak bilan rasmiy uchrashuvlar tashkil etildi. 

Samimiy ruhda o'tgan suhbatlarda mintaqalarda jismoniy tarbiya va sport, Olimpiya harakatini aholi orasida yanada ommalashtirish, turli xalqaro musobaqalar o'tkazish kabi masalalar atroflicha muhokama qilindi.