Mir Boksa: "Ahmadaliev zarbalar aniqligi bo'yicha Tapalesdan ustun bo'lgan"

Ikkinchi engil vazn toifasida sobiq WBA va IBF chempioni Murodjon Ahmadaliev yakshanba tongida filippinlik Marlon Tapalesga qarshi jang o'tkazib, hakamlar qarori bilan mag'lub bo'lgan edi.

"Mir Boksa" promouterlik kompaniyasi Murodjonning mag'lubiyatiga munosabat bildirar ekan, Ahmadaliev jangda zarbalar aniqligi bo'yicha etakchilik qilganini etirof etdi.

"CompuBox statistikasiga ko'ra, Ahmadaliev 9 aprel kuni bo'lib o'tgan WBA va IBF yo'nalishlari bo'yicha ikkinchi engil vazn toifasidagi chempionlik jangida aniq zarbalar soni va hujum samaradorligi bo'yicha raqibi Tapalesni ortda qoldirgan. Ammo ushbu bahs Marlonning 115:113 hisoblaridagi g'alabasi bilan yakunlangan.

Jangning 12-raundiga kelib, WBA/IBF chempionlik kamarlarini to'rtinchi bor himoya qilayotgan Ahmadaliev raqibiga 147 ta aniq zarba bergan bo'lsa, Tapales o'zining 121 ta aniq zarbasi bilan javob qaytargan edi.

IBF chempionligi uchun davogar bo'lgan filippinlik Murodjonga qaraganda ko'proq va aniqroq jeb zarbalari yo'llagan - 53 ga 37 ta, ammo o'zbek bokschisining zarbalaridagi aniqlik va kuch sezilarli darajada bo'lgan - 110 ga 68!

Ahmadaliev hujum harakatlari samaradorligi bo'yicha ham raqibini ortda qoldirdi. Murodjon uchun aniq zarbalarning umumiy ulushi 24,2%, Tapales uchun esa - 17,2%. Zarbalar kuchi bo'yicha bu ko'rsatkich Axmadaliev uchun 41,7%, filippinlik uchun 25,7% ni tashkil etdi.

Raundlar bo'yicha alohida ko'rib chiqiladigan bo'lsa, Ahmadaliev 12 raunddan oltitasida, Tapales esa beshtasida raqibiga qaraganda aniqroq zarba berdi. Raundlarning birida aniq zarbalarda paritet kuzatilgan bo'lsa, shu bilan birga to'rt raundda ham raqiblar o'rtasidagi aniq zarbalar sonidagi farq 2-3 ta zarbani tashkil qildi. 

SHu raundlarning ikkitasida Ahmadaliev, qolgan ikkitasida esa Tapales zarbalarini biroz aniqroq amalga oshirdi", - deyiladi tashkilot xabarida.