Mirabror Usmonov xotirasiga bag'ishlangan shaxmat turniri bo'lib o'tdi + FOTOGALEREYA

"Yorug' kelajak" turniri Mirabror Usmanov nomidagi xalqaro xayriya jamoat fondi va O'zbekiston shaxmat federaciyasi hamkorligida tashkil etildi. Mazkur jamg'arma aholining himoyaga muhtoj qatlamlarini ijtimoiy muhofaza qilish, jamiyatning etarlicha himoya qilinmagan va extiyojmand qatlamlarini maqsadli qo'llab-quvvatlash, ularga ixtisoslashtirilgan, yuqori texnologiyali tibbiy yordam ko'rsatadi.

Musobaqada 2007 yil va undan kichik yoshdagi nogironligi bo'lgan Respublikaning turli hududlaridan kelgan 70 nafarga yaqin shaxmatchi ishtirok etdi. Turnir Xalqaro shaxmat federaciyasi (FIDE) qoidalari asosida rapid yo'nalishida 9 turdan iborat shveycarcha tizimida o'tkazildi.

G'olib va sovrindorlar:

1. Turg'unboev Sardor (kar va zaif eshituvchi, Toshkent sh.)

2. Ahmadxanov Abbosxon (ko'zi ojiz va zaif ko'ruvchi, Namangan v.)

3. Safarov Azizbek (kar va zaif eshituvchi, Xorazm v.)

14 yoshgacha o'smirlar o'rtasida

1. Izentaeva Aynura (kar va zaif eshituvchi, Toshkent sh.)

2. Xudoyberdiev Aziz (ko'zi ojiz va zaif ko'ruvchi, Sirdaryo v.)

3. Azimjonov Abdurahmon

10 yoshgacha o'smirlar o'rtasida

1. Ravshanova Xadicha (Kar va zaif eshituvchi, Toshkent sh.) 

2. Sattorov Nuriddin (Kar va zaif eshituvchi, Toshkent sh.)

3. Jo'raev Akbar (Kar va zaif eshituvchi, Toshkent sh.)

Malumot uchun, Mirabror Usmanov nomidagi xalqaro xayriya jamoat fondi tomonidan musobaqada 1-o'rinni egallagan ishtirokchilarga monoblok, 2-o'rin egalariga televizor (43 dyum), 3-o'rinni egallagan sportchilarga esa planshetlar hamda O'zbekiston shaxmat federaciyasining diplom va medallari bilan taqdirlandilar.