01 okt 11:29
Yangiliklar

Boks/MMA

Mirazizbek Mirzaxalilov Kremlyovga murojaat qildi, IBA prezidenti unga javob qaytardi

Ozarbayjon poytaxti Boku shahrida o'tkazilgan "IBA CHempionlar oqshomi" turnirining markaziy jangi Mirazizbek Mirzaxalilov ishtirokida o'tgan edi.

57 kg vazn toifasi IBA chempionlik kamari uchun kechgan 10 raundlik jangda rossiyalik Vsevolod SHumkov hakamlarning yakdil qarori bilan ochkolar hisobiga ko'ra g'alaba qozongandi.

Havaskorlar o'rtasida jahon chempioni hisoblangan Mirazizbek o'zining ijtimoiy tarmoqdagi sahifasida natija yuzasidan etiroz bildirib, Umar Kremlyovga revansh jangini tashkil etib berish bo'yicha murojaat qildi. O'sha postning izoh qismida IBA prezidenti tezda Mirzaxalilovga javob qaytardi.

"Bahsli jang, albatta revansh jangini o'tkazamiz. Bu muhokama qilinmaydigan mavzu", - deya javob yozgan Kremlyov.