Mirjalol Qosimov va Rano SHodieva ishtirok etgan hamda 76 500 000 so'm to'plangan turnirning taqdirlash marosimidan FOTOGALEREYA

O'zbekiston Respublikasi sug'urta kompaniyalarining ijtimoiy faolligini namoyon qilish maqsadida respublika Yoshlar ittifoqi, Jismoniy tarbiya va sport vazirligi, Madaniyat vazirligi, Milliy olimpiya qo'mitasi va “GROSS INSURANCE” masuliyati cheklangan jamiyati ko'magida tashkil etilgan mini-futbol bo'yicha IV Xalqaro xayriya turnirida O'zbekiston Respublikasi sug'urta kompaniyasi vakillaridan iborat jamoalar, sheriklar hamda yaqin va uzoq xorijiy mamlakatlardan kelgan futbolchilar ishtirok etdi.

Finalda “Orient finans bank” va “APEX” jamoalari maydonga tushishdi. Qizg'in va murosasiz kechgan o'yinda “OFB” 4:2 hisobida raqibidan ustun keldi hamda turnirning mutloq g'olibiga aylandi.

Mahalliy va Xalqaro sug'urta kompaniyalari o'rtasidagi sherikchilik munosabatlarini mustahkamlashda, aholi o'rtasida futbolni ommalashtirishda hamda sog'lom turmush tarzini targ'ib qilishda alohida ahamiyat kasb eta olgan mazkur turnir davomida 76 500 000 so'm to'plandi.  

Ushbu xayriya turniridan kelib tushgan mablag' O'zbekiston Yoshlar Ittifoqi huzuridagi “Imkoniyati cheklangan yoshlar va bolalar markazi”ga yo'naltiriladi va yurak xastaligiga chalingan bolalarni davolashda foydalaniladi.

Turnirning g'olib va sovrindorlari tashkilotchilar tomonidan tasis etilgan medal, diplom va qimmatbaho sovg'alar bilan taqdirlandi. SHuningdek, turli nominaciyada g'olib, deb topilgan ishtirokchilar ham sovg'alarsiz qolmadi.

Xalqaro hayriya turniri el sevgan sanatkorlarning chiqishlari bilan yakun topdi.

Suratlar muallifi - Alimurod Mamadaminov