MOQ bodibildingchilarni 5 000 AQSH dollari bilan rag'batlantiradi

Ular bilan MOQ Prezidenti Umid Ahmadjonov va Bosh kotib Jasur Matchanovlar uchrashishdi. Uchrashuvda ikki karra jahon chempioni, «Arnold Klassik-2018» musobaqasi g'olibi Mixail Volinkin, jahon chempioni, Evropa chempionatida mutloq g'oliblikka erishgan Aleksandr Saxarov, ayollar o'rtasida jahon chempionligini qo'lga kiritgan Bogatir Lyudmilalar ishtirok etishdi.

«Siz bizning fahrimizsiz», – deb so'z boshladi MOQ rahbari. «Milliy olimpiya qo'mitasi sizlarni qo'llab-quvvatlashga doimo tayyor. Musobaqalar sonini ko'paytirib, bodibildingni yanada rivojlantiramiz. Yurtimiz bayrog'ini ko'klarga ko'tarayotganingiz uchun sizlarga minnatdorchilik bildiramiz», – dedi Umid Ahmadjonov.

O'z navbatida sportchilar ko'rsatilayotgan etibordan mamnun ekanligini, bildirilayotgan ishonchni oqlashlarini malum qilishdi.

Uchrashuv yakunida Umid Ahmadjonov sportchilarga esdalik sovg'alarini topshirdi. So'ngra ularni qo'llab-quvvatlash maqsadida har bir sportchi uchun 5 000 AQSH dollari miqdoridagi pul mukofoti taqdim etilishini aytib o'tdi.