MOQ Jismoniy tarbiya va sport vazirligi bilan hamkorlikda navbatdagi videoselektorni o'tkazdi

Uni Jismoniy tarbiya va sport vaziri SHoakrom Isroilov olib bordi. Videoselektorda Milliy olimpiya qo'mitasi hamda Jismoniy tarbiya va sport vazirligi mutasaddilari, Jismoniy tarbiya va sport boshqarmalari rahbarlari, Olimpiya zaxiralari kollejlari direktorlari va sport federaciyalari rahbarlari ishtirok etishdi.

Bundan bir muddat oldin Milliy olimpiya qo'mitasi hamda Jismoniy tarbiya va sport vazirligi mutasaddilaridan tashkil topgan ishchi guruh viloyatlarda bo'lib, bolalar va o'smirlar sport maktablari, Olimpiya zaxiralari kollejlaridagi holatni o'rganib qaytgandi. Ushbu o'rganish mobaynida sport muassasalarida ko'plab kamchiliklar qayd etilgandi.

BO'SM va OZKlar zamon talablari darajasida emasligi, kamchiliklarni bartaraf etish imkoniyati bor bo'lsada, tegishli choralar ko'rilmaganligi, o'z holicha tashlab qo'yilgani malum qilindi. Suzish havzalari va mashg'ulot zallaridagi kamchiliklardan tortib, sport kollejlarida o'quv kitoblari etishmasligi masalalarigacha vazir tomonidan birma-bir qayd etib o'tildi.

Ayni paytda terma jamoalarimiz uchun asosiy baza hisoblangan Olimpiya zaxiralari kollejida faoliyat olib borayotgan murabbiy va o'qituvchilarni qayta attestaciyadan o'tkazish lozimligi ham takidlandi. Bolalar va o'smirlar sport maktablari rahbarlariga esa imkoniyatdan kelib chiqqan holda (shart-sharoitlar, murabbiylar va bolalarning qiziqishlari) sport sekciyalari tashkil qilish ko'rsatmasi berildi.

SHuningdek, hujjatlar bilan ishlash, joylarda ommaviy sport tadbirlarini tashkil etish bo'yicha ishlarni ham to'g'ri yo'lga qo'yib olish kerakligi takidlandi hamda viloyat jismoniy tarbiya va sport boshqarmasi mutasaddilaridan tegishli takliflar olindi.

Milliy olimpiya qo'mitasi Bosh kotibi Jasur Matchanov so'zga chiqar ekan, viloyatlarda faoliyat olib borayotgan sport federaciyalarida kadrlar masalasiga alohida etibor qaratish lozimligiga alohida to'xtalib o'tdi.