MOQ rahbariyati Tashqi ishlar vazirligi mutasaddilari bilan uchrashdi

Malumki, Tashqi ishlar vazirligi terma jamoalarimizning xalqaro maydondagi nufuzli kompleks musobaqalar, qita birinchiligi va jahon chempionatlari, Osiyo va Olimpiya o'yinlariga tayyorgarlik ko'rish va ishtirok etishida muhim hamkor tashkilotlardan biri hisoblanadi. 

Uchrashuv davomida ushbu yo'nalishdagi aloqalarni yanada mustahkamlash, jumladan, Xanchjou-2022 Osiyo va Parij-2024 Olimpiya o'yinlariga tayyorgarlik yo'lidagi muhim rejalar, yurtimizda ilk bor o'tkaziladigan Toshkent-2025 IV yoshlar Osiyo o'yinlarida o'zaro hamkorlik masalalari muhokama qilindi.

Anvar Abduxalimov Vazirlik qoshida yangi tashkil etilgan ushbu boshqarma faoliyati haqida batafsil malumot berib, atletlarimizning jahon arenalarida Vatanimiz sharafini munosib himoya qilishlariga hissa qo'shishdan mamnun ekanini bildirdi. 

O'z navbatida, Oybek Kasimov bunday yo'nalish jamoalarimizning xorijga yo'l olishida yuzaga kelishi mumkin bo'lgan muammolarning kamayishi, mavjudlarini bartaraf etishda tezkor echim bo'lishini takidlab, Vazirlik tomonidan yaratilayotgan bunday qulaylik uchun minnatdorchilik izhor etdi va o'zaro hamkorlikdan manfaatdor ekanligini malum qildi.