Mourino nima uchun Zagrebda Xorvatiya - Ukraina o'yinini tomosha qildi?

Malumotlarga qaraganda, portugaliyalik mutaxassis shunchaki o'yinni tomosha qilish uchun Xorvatiya poytaxtiga kelmagan. U xorvatiyalik hujumchi Ivan Perishich hamda uning agentlari bilan muzokara o'tkazishni maqsad qilgan.

Vecernji List nashrining xabar berishicha, “Inter” klubida to'p tepayotgan bu hujumchiga “Manchester Yunayted”dan tashqari Angliyaning yana uchta grand klubi - “CHelsi”, “Liverpul” va “Arsenal” ham jiddiy qiziqish bildirgan.

Perishichning shu yilgi yozgi transfer bozori chog'idayoq Milanning “Inter”idan Tumanli Albionga ko'chib o'tishi kutilyapti. “MYU” futbolchining transferi uchun taxminan 40 million evro to'laydi.

Etiborga molik jihati shundaki, Ukrainaga qarshi kechgan o'yinda Perishich diskvalifikaciya sabab Xorvatiya terma jamoasiga yordam bera olmadi. Jamoasi esa kichik 1:0 hisobida g'alaba qozondi.

Malumot uchun, 28 yoshli hujumchi “Inter” tarkibida 33ta uchrashuvda maydonga tushib, 9ta gol kiritgan va 4ta golga esa assistentlik qilgan.