Mourinyu qachon oxirgi marta SHomurodovni asosiy tarkibda maydonga tushirgandi?

Joze Mourinyu bu safar Eldor SHomurodovga uchrashuv yakuniga 1 daqiqa (!) qolganida imkon berdi. Umuman o'zbekistonlik forvard so'nggi bora o'tgan yil 4 dekabrda “Inter”ga qarshi (0:3) bahsda asosiy tarkib maydonga tushgandi. SHundan keyin esa 17 uchrashuvda (2 ta gol urdi, bitta assist qildi) zaxiradan o'yinga qo'shildi, 11 tasida tushirilmadi va bittasini koronavirus tufayli o'tkazib yubordi.

Umuman 26 yoshli futbolchi 2021/22 yilgi mavsum chempionatda 26 uchrashuvda qatnashib, 2+4 natija ko'rsatdi hamda bir bor sariq kartochka oldi. Italiya Kubogida esa bir o'yinda bitta gol hamda EKLda 10 bahsda 1+2 natijani o'z hisobiga yozdirdi. 

“Bo'rilar”ni oldinda A Seriya doirasida “Veneciya” (14 may, 23:45), “Torino”ga (22 may, 19:00) qarshi oxirgi tur o'yinlari kutmoqda. Jamoa musobaqa jadvalida 59 ochko bilan 6-o'rinda bormoqda va ECHL yo'llanmasidan “quruq” qoldi. SHuningdek, 25 may (23:59) kuni Konferenciyalar Ligasi finalida Mourinyu shogirdlari “Feynoord”ga qarshi saf tortadi.