Movsar Evloev - Aljameyn Sterling jangining yangi sanasi va manzili tasdiqlandi + POSTER

Bunga amerikalik aralash yakkakurash ustasining mashg'ulot paytida orttirib olgan jarohati sabab bo'lgandi. Tashkilotchilar ushbu jangni saqlab qolishdi. Faqat sanasi o'zgardi. Endi jangchilar 7 dekabr kuni AQSHning Nevada shtati Las-Vegas shahrida tashkil etiladigan UFC 310 turniri doirasida o'zaro to'qnash kelishadi.

Malumot uchun, sobiq UFC chempioni Aljameyn Sterling vaznnini o'zgartirgan va shu yilning aprel oyida yarimengil vazn toifasida muvaffaqiyatli debyut qilgandi. U hamyurti Kelvin Kattarni hakamlar qaroriga ko'ra ochkolar hisobi bo'yicha mag'lubiyatga uchratgan edi.

Mag'lubiyat nimaligini bilmay kelayotgan Movsar Evloev esa yanvar oyida UFC ligasidagi ettinchi g'alabasini tantana qilgandi. O'shanda u britaniyalik Arnold Allendan ochkolar bo'yicha ustun ustun kelgandi. Ayni paytda rossiyalik aralash yakkakurash ustasi UFC yarimengil vazn reytingida oltinchi, amerikalik esa to'qqizinchi o'rinni egallab turibdi.