“Muftiy sovrini – 2025” g'olib va sovrindorlari aniqlandi FOTOGALEREYA

Musobaqaning final uchrashuvida Namangan vakilligi va Qoraqalpog'iston musulmonlari qoziyoti jamoalari o'zaro bellashdi. Ikkala jamoa ham o'yinga jiddiy tayyorgarlik ko'rib kelgani yaqqol namoyon bo'ldi. Yakunda Qoraqalpog'iston musulmonlari qoziyoti jamoasi g'alaba qozonib, musobaqa bosh sovrinini qo'lga kiritdi. 

Murosasiz kechgan o'yinning asosiy vaqtida jamoalar 4:4 hisobida durang qayd etishdi. G'olib jamoa penaltilar seriyasi orqali aniqlandi. Unda Qoraqalpog'iston musulmonlari qoziyoti jamoasi 4:2 hisobida zafar quchib, "Muftiy Kubogi - 2025" chempioniga aylanishdi. Namangan vakilligi jamoasi kumush, Samarqand vakilligi jamoasi esa bronza medaliga sazovor bo'ldi. 

Musobaqadan so'ng taqdirlash marosimi bo'lib o'tdi. Unda O'zbekiston musulmonlari idorasi raisi, muftiy SHayx Nuriddin Xoliqnazar hazratlari, Din ishlari bo'yicha qo'mita raisi Sodiqjon Toshboev, O'zbekiston futbol associaciyasi birinchi vice-prezidenti Ravshan Ermatov, O'zbekiston milliy terma jamoasi yordamchi murabbiyi Temur Kapadze, futbol afsonasi Mirjalol Qosimov ishtirok etishdi. G'olib jamoa azolarining har biriga medal bilan birga noutbuk taqdim etildi. 

Namangan jamoasiga esa kumush medallar va televizor, Samarqand jamoasiga bronza medali hamda planshet topshirildi. Hakamlar, shuningdek, “Eng yaxshi darvozabon”, “Eng yaxshi to'purar”, “Eng yaxshi o'yinchi” nominaciyalari g'oliblariga ham qimmatbaho sovg'alar topshirildi. SHuningdek, barcha o'rin sohiblariga pul mukofotlari va esdalik sovg'alari ham taqdim etildi.   

O'zbekiston musulmonlari idorasi Matbuot xizmati