Mujibillo Tursunov Osiyo chempionatining finaliga yo'l oldi

Hozirgina -67 kg vazn toifasidagi ikkinchi yarim final jangi yakunlandi. Unda terma jamoamiz azosi Mujibillo Tursunov mezbonlar vakili Bunjong Sinsiriga qarshi ringga ko'tarildi. Ikki yarim raund davom etgan murosasiz jangda Tursunov g'alaba qozonib, finalga yo'l oldi. 

Gap shundaki, ikkinchi raundning o'rtalariga kelganda, Bunjongning burun aralash peshona qismidagi jarohati jiddiylashib ketdi va shifokorlar ko'rsatmasiga ko'ra jang to'xtatildi. Birinchi raund Sinsiri, ikkinchisi Tursunov foydasiga hal bo'lgandi.  Mujibilloning uchinchi raundni ham juda faol boshlagani uning g'alabasini taminladi. 

SHu tariqa, o'zbek bokschilarida oltinchi final! Hamyurtimizning Osiyo chempionligi uchun kechadigan hal qiluvchi finaldagi raqibi qozog'istonlik Dulat Bekbauov bo'ladi. Bekbauov yarim finalda tojikistonlik SHuhrat Salamatovni 5:0 hisobida mag'lubiyatga uchratdi.