Muradov bilan jangi ikki bor bekor bo'lgan Abusupiyan Magomedovga raqib berildi

U 18 may kuni AQSHning Las-Vegas shahrida o'tkaziladigan UFC Fight Night turnirida koreyalik Yun Yon Pakka qarshi oktagonga chiqadi. Jang o'rta vazn toifasida o'tkaziladi. 

Abus Magomedov 2022 yilning sentyabr oyida UFC tashkilotida debyut qilgandi. O'shanda u 19 soniya ichida Dastin SHtolcfusni texnik nokautga uchratgan edi. Keyin esa ketma-ket ikkita mag'lubiyatni qabul qilib oldi. Avvaliga SHon Striklendga texnik nokaut bilan yutqazdi, keyin esa Kayo Borraloga ochkolar hisobiga ko'ra yutqazib qo'ydi.

Takidlash joiz, Magomedovning ikki bor Mahmud Muradovga qarshi o'tkazilishi kerak bo'lgan jangi amalga oshmay qolgandi. Yun Yon Pak esa o'tgan yilning dekabr oyida 4 ta g'alabadan iborat seriyasiga barham bergandi. U Andre Munizga hakamlarning ayri qarori bilan imkoniyatni boy berib qo'ygan edi.