Mutua Madrid Open. Daniil Medvedev 1/8 finalga chiqdi

Dunyoning 10-raketkasi Daniil Medvedev uchinchi davrada ATP reytingida 126-pog'onada borayotgan argentinalik Xuan Manuel Serundoloni ortiqcha qiyinchiliksiz mag'lubiyatga uchratdi - 6/2, 6/2. Bu tennischilarning o'zaro o'tkazgan ilk uchrashuvi bo'ldi. 

Oltmish ikki daqiqa davom etgan bahsda ikkala tennischi ham 2 tadan eys zarbasini amalga oshirgan. Breyklar bo'yicha mutlaq ustunlik Medvedev tomonida bo'ldi - 4:0. Endi u Mutua Madrid Open turniri 1/8 finalida Brendon Nakashimaga qarshi kortga chiqadi. Kelib chiqishi yaponiyalik, hozirda AQSH sharafini himoya qilayotgan Nakashima uchinchi bosqichda italiyalik Flavio Kobollini 7/5, 6/3 hisobida mag'lub etdi.