Muxtorxon Tashxodjaev va Asila Mirzayorova Osiyo Paralimpiya qo'mitasi tomonidan taqdirlandi

Bugun Saudiya Arabistoni poytaxti Ar-Riyod shahrida Osiyo Paralimpiya qo'mitasining (APC) yakuniga etib borayotgan joriy 2023 yil sarhisobi bo'yicha eng munosiblarni taqdirlash marosimi bo'lib o'tdi. 

Quvonarlisi, Osiyo Paralimpiya qo'mitasi vice-prezidenti – O'zbekiston Milliy paralimpiya qo'mitasi raisi Muxtorxon Tashxodjaevning yurtimizda va Osiyo qitasida Paralimpiya harakatini rivojlantirishda qo'shayotgan xizmatlari munosib baholandi va tashkilotning Osiyo ordeni bilan taqdirlandi.

Yana bir ahamiyatli jihati, para engil atletika bo'yicha Tokio-2020 yozgi Paralimpiya o'yinlari sovrindori, jahon chempioni, Xanchjou-2022 Para Osiyo o'yinlari g'olibi Asila Mirzayorova esa qitaning “Eng yaxshi ayol para atleti”degan sharafli nomga sazovor bo'ldi.

Qitada eng yaxshi nomga munosib bo'lish bu mexnatlar samarasi, izlanishlar mukofotidir. Osiyo minbarlarida etirof etilgan O'zbekiston paralimpiya qo'mitasi raxbari Muxtorxon Tashxodjaev va paraatlet Asila Mirzayorovani  ushbu etirof bilan samimiy muborakbod etgan holda, ularga kelgusidagi faoliyatlarida ham ulkan muvaffaqiyatlar tilab qolamiz.