Nadal Barselona turnirida 10-marta bosh mukofotga ega chiqdi

Sovrin jamg'armasi 2 428 355 evroni tashkil qiluvchi musobaqada Rafael Nadal bosh mukofotni qo'lga kiritdi. Turnirning amaldagi g'olibi hisoblangan ispaniyalik tennischi 10-marotaba Barselonada tengsiz bo'ldi.

Roppa-rosa bir yarim soat davom etgan uchrashuvda Rafael Nadal avstriyalik Dominik Timni 6:4, 6:1 hisobida taslim etdi. Bu Nadalning faoliyatidagi 71-sovrini sifatida qayd etildi.

Barselonadagi muvaffaqiyatli ishtirok Rafael Nadalga 264,260 dollar mukofot puli hamda 500 reyting ochkosini taqdim etdi.